Jvé vous faire part d'un poeme avec le mots "CAISSE" désolé si vous comprenez pas tout mes pour les 59 c'est le language d'ché nous
"
L'enrhumé
Par Regis Lenglos, samedi 18 mars 2006 à 08:35 :: Poèmes chti :: #360 :: rss
Ch’ l’inchiferné
Atchoum ! … Atchi !! … M’arv’ là cor pris !
Ej’ n’in sus pon gramint surpris,
Car ch’est pour mi, el’ même rengaine
A chaque fos qu’ l’hiver qu’a’ s’ ramène !
Atchi ! … Em’ n’émouquoir nasal
Qui n’ peut pon sintir el’ mistral,
Pindant huit jours i va cor braire, (pleurer)
Atchi ! … parell’mint qu’eun’ gouttière !
Et quand ches écluses all’ s’arrêter’ont,
Atchoum ! … mes paufes narennes all’ s’ ront
Doreusses, rouches comme de l’ confiture, (douloureuses)
Atchi ! … au mitan de m’ figure !
Pourtant, je n’ n’ai eu chelle fos-chi,
Des précautions … Atchoum ! … Atchi !
Quand j’ai r’sintu l’ timpérature
Ardévenir un molé pus dure ! (un petit peu)
J’ai eu bieau laicher mes cavieux (cheveux)
Si longs qu’ cheux d’ nou premiers aïeux,
Atchoum ! … et rintortiller m’ tête
Par nuit d’eun’ épaisse colinette, (bonnet de nuit)
Ch’est comme si … Atchi ! … Tout bonn’ mint,
Pour m’épargner d’ z’éternumints,
Qu’ j’avos toussé dins eun’ grosse caisse
Car min nez, quoi qu’ ch’est qui i incaisse.I est déjà … Atchoum ! ... Atchi !...
Comme eun’ vraie tomate ingrochie ! (grossie)
Et comme … Atchoum !... Atchi ! ...ed’ pus belle,
Ches gouttes qu’all’ ardévallent de m’ chervelle,
N’ayant pus pour les archuvoir,
Atchoum ! ... Qu’eun’ lavette ed’ mouquoir, (mouchoir)
J’ queurs … Atchi ! … à mon Artémiche,
Li d’ mander un morcieu d’ pan d’ quémiche ! (chemise)
André Laflutte d'Arras (né en 1903)"